26/08/2011 | Fjárfestar, Fréttatilkynningar
• Tekjur á fyrri árshelmingi 4.397 mkr. og aukast um 8,2% milli ára.
• 921 mkr. hagnaður á fyrri árshelmingi ársins, en 193 mkr. á sama tíma í fyrra.
• EBITDA afkoma var 468 mkr. en 340 mkr. árið áður.
• Langtímaskuldir lækka um 1.100 mkr. við uppgjör gengistryggðra lána og uppgreiðslu lána.
• Eigið fé 2.448 mkr. í lok júní og eiginfjárhlutfall 41%.
Fréttatilkynningin á pdf. formi með 5 ára yfirliti
Árshlutareikningur SS jan – jún 2011 á pdf. formi
Árshlutareikningurinn samanstendur af árshlutareikningi Sláturfélags Suðurlands svf. og dótturfélagi þess, Reykjagarði hf.
Hagnaður samstæðu Sláturfélags Suðurlands á tímabilinu janúar til júní 2011 var 921 mkr. Á sama tímabili árið áður var 193 mkr. hagnaður. Eigið fé Sláturfélagsins er 2.448 mkr. í lok júní.
Með samkomulagi við viðskiptabanka félagsins um uppgjör gengistryggðra lána og uppgreiðslu lána lækka langtímaskuldir um 1.100 mkr. Að teknu tilliti til reiknaðs tekjuskatts hefur uppgjör gengistryggðra lána um 800 mkr. jákvæð áhrif á afkomu félagsins á fyrra árshelmingi. Langtímaskuldir félagsins voru endurfjármagnaðar með nýrri lántöku að fjárhæð 1.600 mkr. til 25 ára sem lækkar umtalsvert árlegar afborganir lána.
Rekstrartekjur samstæðu Sláturfélags Suðurlands voru 4.397 mkr. á fyrri árshelmingi ársins 2011, en 4.066 mkr. á sama tíma árið áður og hækka því um rúm 8%. Aðrar tekjur voru 31 mkr en 22 mkr. árið áður.
Vöru- og umbúðanotkun var 2.516 mkr. en 2.398 mkr. árið áður. Launakostnaður hækkaði um rúm 3%, annar rekstrarkostnaður hækkaði um tæp 12% og afskriftir hækkuðu um rúm 7%. Rekstrarhagnaður án fjármunatekna og fjármagnsgjalda var 322 mkr., en 204 mkr. árið áður. Hagnaður fyrir fjármagnsgjöld og afskriftir (EBITDA) var 468 mkr. en var 340 mkr. á sama tíma í fyrra.
Fjármunatekjur umfram fjármagnsgjöld voru 804 mkr., en fjármagnsgjöld umfram fjármunatekjur voru 13 mkr. á sama tímabili í fyrra. Niðurfelling gengistaps lána og vaxta nam 1.027 mkr. Gengistap nam 133 mkr. samanborið við 60 mkr. gengishagnað árið áður. Hlutdeild í afkomu hlutdeildarfélaga var jákvæð um rúmar 20 mkr. en árið áður um 2 mkr. Reiknaður tekjuskattur nam 225 mkr. Hagnaður af rekstri tímabilsins var 921 mkr. en 193 mkr. á sama tímabili árið áður.
Veltufé frá rekstri án vaxta og skatta var 467 mkr. á fyrri árshelmingi ársins 2011, samanborið við 339 mkr. fyrir sama tímabil árið 2010. Heildareignir Sláturfélagsins 30. júní voru 5.923 mkr. og eiginfjárhlutfall 41%. Veltufjárhlutfall var 2,4 á fyrri hluta ársins 2011, en 1,6 árið áður.
Samkvæmt samþykkt aðalfundar félagsins í mars 2011 var í aprílmánuði greiddur 6,2% arður af B-deild stofnsjóðs alls 12 mkr. en ekki voru reiknaðir vextir á A-deild stofnsjóðs.
Sláturfélagið var skráð á First North markaðinn hjá NASDAQ OMX. Opnað var fyrir viðskipti 14. júlí s.l. Áður hafði félagið verið skráð á Opna tilboðsmarkaðnum. Sláturfélagið birtir upplýsingar um afkomu á sex mánaða fresti. Ráðgert er að birta afkomu ársins 2011 þann 24. febrúar 2012.
Staða og horfur
Endurfjármögnun langtímaskulda félagsins sem nú er lokið hefur jákvæð áhrif á fjármagnsliði samstæðunnar auk þess sem árleg greiðslubyrði lána lækkar umtalsvert. Sláturfélagið hefur nú náð fyrri fjárhagsstyrk með 41% eiginfjárhlutfall. Lausafjárstaða er einnig góð en veltufjárhlutfall var 2,4 í lok júní s.l.
Frá hausti 2008 hefur verið beitt miklu aðhaldi í rekstri og fjárfestingum sem hefur skilað sér í bættri afkomu og góðri fjárhagsstöðu félagsins. Til að styrkja enn frekar stöðu félagins er nauðsynlegt að halda áfram enn um sinn á sömu braut.
Lítils háttar samdráttur var í kjötsölu á landsvísu milli ára á fyrri árshelmingi. Gert er ráð fyrir að samdráttar gæti einnig á seinni árshelmingi. Gert er ráð fyrir hægum bata í kjötsölu þegar kemur fram á árið 2012. Sláturfélagið eins og önnur kjötsölufyrirtæki hafa mætt samdrætti í sölu innanlands með auknum útflutningi á lambakjöti. Sláturfélagið hefur þó sinnt vel eins og áður mikilvægum innanlandsmarkaði með því að eiga nægt lambakjöt til að mæta þörfum viðskiptavina.
Skertur kaupmáttur heimila hefur haft neikvæð áhrif á afkomu kjötiðnaðar félagsins. Við því hefur verið brugðist með öflugri vöruþróun, markaðssókn og aðhaldi í rekstri. Gert er ráð fyrir hægum bata í rekstri kjötiðnaðar á árinu 2011.
Matvöruhluti innflutningsdeildar hefur náð að halda hlutdeild á markaði þrátt fyrir erfið skilyrði. Sala á tilbúnum áburði til bænda í samstarfi við Yara í Noregi gekk vel á fyrri árshelmingi jafnframt því sem SS er að styrkja stöðuna á kjarnfóðurmarkaði í samstarfi við DLG.
Frekari upplýsingar veitir:
23/08/2011 | Barilla, Uppskriftir, Þetta með pasta og pastasósur
Pasta er meira en bara ljúffeng máltíð, það er ómissandi þáttur ítalskrar menningar. Á Ítalíu er pasta listgrein sem endurspeglar ítalskan lífsstíl. Náttúran og iðnaðurinn eru kveikjan að mörgum tegundunum sem eru á kvöldverðarborðinu. Sum formin eru komin úr dýrafræðinni – farfalle þýðir fiðrildi og skeljar koma úr sjónum. Önnur koma úr jurtaríkinu – fiore þýðir blóm og campanelle þýðir bláklukka. Enn önnur eiga að endurspegla nútímaiðnað eins og hjól.
Sérhvert form endurspeglar náttúruleg form og önnur tengd iðnaði svæðisins þar sem þau urðu til og keim svæðisins. Mismunandi form eru mótuð til að fylgja ákveðnum tegundum af sósu. Sum eru gerð til að fylgja þykkum sósum með bitum en önnur eru gerð fyrir léttar og fíngerðar sósur.
Barilla færir ykkur þessar hefðir í þessum leiðbeiningum og býður upp á tillögur um pörun á Barilla-pastategundum við sósur til að aðstoða ykkur við að upplifa ósvikna ítalska stemningu á heimili ykkar á hverjum degi.
Buen Appetito.
Löng form
Löng form og þykk, flöt form eins og fettuccine og fettuuccine rigate þola grófari sósur
en linguine er yfirleitt notað með pestó.
Fettuccine
Langt og þunnt en ekki of fínt – spaghetti verður snarpt og þokkafullt eftir suðu og er eitt
fjölhæfasta formið. Spaghetti, sem er uppáhald allra, passar vel við nánast allar tegundir af sósum.
Stutt form
Stutt form gera öllum kleift að nota sköpunargáfuna þar sem hægt er að velja úr miklu úrvali af snúnu, greyptu og sprungnu pasta.
Form sem eru gerð með snúningi og spíral, eins og rotini, hæfa vel fíngerðum og einföldum sósum. Grænmeti, kjöt og sjávarfang eða angandi krydd fellur vel inn í fellingar þessara forma.
Túbulöguð form
Túbulöguð form, eins og rigatone, eru fullkominn felustaður fyrir kjöt og grænmeti. Þykkt þessara forma krefst bragðmikilla sósa. Hið stóra þvermál, ásamt röndunum sem eru á penne og rigatone, gerir þau ákjósanleg til að halda sósunni á öllu yfirborðinu, jafnt að innan sem utan.
Penne
Þokkafull form eins og farfalle eru hentug með sterkum ilmi og bragði.
Farfalle
23/08/2011 | Barilla, Heilræði, Hvernig á að elda pasta
Notið mikið vatn.
Það er auðvelt að elda pasta en hvað á að nota mikið af vatni og hvaða pott. Það þarf líka að velja réttu samsetninguna af pasta og sósu vandlega til að gera fullkomna pastamáltíð.
Barilla hefur framleitt pasta í rúm 130 ár og við þekkjum besta aðferðirnar við að elda pasta eins og Ítalir gera það. Hér eru nokkrar reglur svo þið getið notið þess að borða pasta eins og það gerist best:
Það á að elda pasta rétt áður en það er borið fram.
Notið háan, stóran pott sem er ekki með meira en 3/4 af vatni. Ef það er of mikið af vatni í pottinum getur soðið upp úr og ef vatnið er of lítið þá sýður pastað ekki á réttan hátt.
Notið 6-8 l pott til að elda 1/2 kg af pasta.
Hitastig vatnsins sem er sett í pottinn hefur ekki áhrif á það hvernig pastað verður. Ef þið notið vatnið úr krananum nær vatnið suðu fyrr.
Saltið vatnið.
Með því að salta vatnið kallið þið fram náttúrulegt bragð pastans.
Það verður að bæta saltinu út í þegar vatnið er farið að sjóða. Ef saltinu er bætt of seint út í þá dregur pastað það ekki rétt í sig. Ef þið setjið saltið í of snemma lengið þið suðutímann.
Leyfið saltinu að leysast upp áður en þið setjið pastað út í.
Og ef þið eigið ekki að neyta salts farið þá eftir fyrirmælum læknisins. Þið ráðið hvort þið notið salt og þetta er spurning um bragð.
Bætið pastanu út í og látið aftur sjóða í pottinum.
Hellið pastanu út í og aukið hitann þannig að vatnið sjóði.
Lokið ekki pottinum.
Hrærið nokkrum sinnum varlega í pastanu meðan það sýður, á u.þ.b. þriggja mínútna fresti. Barilla-pasta er gert þannig að það festist ekki við botninn í pottinum en það borgar sig samt að hræra í pastanu svo það eldist jafnt.
Bætið ekki olíu út í vatnið.
Barilla notar bestu fáanlegu hráefnin þannig að pastað frá okkur verður hágæðapasta. Þegar lélegt hveiti er notað losnar of mikil sterkja úr pastanu og það verður límkennt. Það gerist ekki með Barilla-pasta.
Ólífuolía gerir ekkert fyrir bragðið af pastanu og ef hún er notuð verður pastað hált þannig að sósan lekur af því.
Ítalir nota ekki ólífuolíu þegar þeir elda pasta.
Farið eftir eldunartímanum sem stendur á pakkanum.
Til að elda fullkomið pasta farið þá einfaldlega eftir eldunartímanum á pakkanum en það er samt góð hugmynd að smakka á pastanu áður en þið hellið vatninu af því til að tryggja að það sé eins og þið viljið hafa það.
Pastað er rétt soðið þegar það er mjúkt að utan en svolítið hart að innan. Í ósvikinni ítalskri matargerð er þetta kallað „al dente.“
Skolið pastað vel!
Hellið vatninu af pastanu um leið og það er soðið.
Hellið pastanu í stórt sigti og hristið það gætilega til að fjarlægja allan vökva.
Pastað á að vera rakt en ekki rennandi blautt.
Það á ekki að skola pastað eftir suðu nema það eigi að nota það í pastasalat. Náttúruleg sterkja sem losnar úr pastanu fullkomnar pastamáltíðina því hún hjálpar til við að „binda“ sósuna sem á að nota og þá festist sósan betur við pastað.
Geymið alltaf nokkrar matskeiðar af suðuvatninu. Það er gott að nota það ef þarf að þynna sósuna eða þegar pastað er snöggsteikt áður en það er borið fram.
Á Ítalíu er pastað oftast soðið þremur mínútum of stutt í vatninu. Það er síðan fært yfir á pönnu ásamt tilbúinni sósunni og síðan soðið með sósunni í þrjár mínútur þannig að pastað geti dregið í sig bragðið úr sósunni.
Bætið sósunni við og berið strax fram!
Þegar vatninu hefur verið hellt af pastanu er það enn að eldast. Þess vegna þarf að bæta sósuna við það fljótt.
Það á að bera pastað fram heitt
Ítalir nota mjög litla sósu með pastanu sínu – bara nóg til að þekja það.
Til að fullkomna pastað bætið þá ofan á það Parmesan-osti, nýmöluðum svörtum pipar
eða olífuolíu.
23/08/2011 | Barilla, Heilræði, Hvað þarf mikið á mann
Að mæla pasta
Þetta er einfalt, þegar þið eldið pasta ættu u.þ.b. 100 g af þurru pasta á mann að vera góð þumalputtaregla. En eins og allir vita er mismunandi hvað fólk borðar mikið.
Munið! Pasta er gott að hita upp ef afgangar verða.
17/08/2011 | Barilla, Fjórar goðsagnir um pastasuðu, Heilræði
Það á að skola pastað eftir að það hefur verið soðið og vatninu hellt af því.
Sannleikur
Þegar pasta sýður losnar náttúruleg sterkja í suðuvatninu. Þessi sterkja fullkomnar pastamáltíðina því hún hjálpar til við að „binda“ sósuna sem á að nota og þá festist sósan betur við pastað. Til að máltíðin heppnist vel eigið þið ekki að skola pastað eftir að það er soðið og vatninu hefur verið hellt af því. Eina undantekningin frá þessari reglu er þegar verið er að útbúa pastasalat. Sé svo eigið þið að nota kalt vatn til að koma í veg fyrir að pastað sjóði of lengi.
