Ný sláturáætlun og verðhlutföll sauðfjár 2019

Áætlað er að hefja samfellda slátrun miðvikudaginn 4. september n.k. og ljúka slátrun 6. nóvember.  Sláturtíð verður lengd vegna fyrirséðar aukningar á innleggi í haust.  Einnig liggja verðhlutföll milli sláturvikna fyrir en þau hjálpa bændum til að meta hvenær hagkvæmast er að slátra eftir aðstæðum hvers og eins.

Verðhlutföll og sláturáætlun sauðfjár 2019.

Ný lína 1944 rétta –Betra líf

Á næstu dögum munu nýjir 1944 réttir koma í verslanir.  “Betra líf með góðum mat” er slagorð nýju línunnar.
Í hverjum skammti er minna en 450 kcal, 2 grömm af salti og minna en fjögur grömm af fitu í hverjum 100 gr.  Réttirnir standast kröfur skráargatsins sem er hollustumerki sem auðveldar neytendum að velja holla matvöru.  Nýju réttirnir eru Korma kjúklingur, Stroganoff, Kjúklingur tikka masala, Lambakjöt í karrísósu og Gúllassúpa.

betralif                                         gr

Sælkerapaté – vörunýjung

Sælkera-paté er kryddað með hvítlauk og sólþurrkuðum tómötum og er ljúffeng viðbót við kæfu og paté-línu SS. Gott er að smyrja því á ristað brauð, skorpuskorið. Skerið hverja sneið í 4 litla tígla og toppið með týtuberjasultu. Berið fram á rúkólasalati og sultuðum rauðlauk. Einnig er hægt að taka paté-ið úr dósinni og skera það í sneiðar með heitum hníf og raða á salatblað og skreyta með rifsberjum eða öðrum villtum berjum. Berið fram með berjasultu og baquette brauði. Einnig er gott að setja örlítið af balsamik ediki yfir í lokin.

Næring:
Orka  1294 kJ/309 kkal
Prótín 13 g
Kolvetni 5 g
Fita 26 g
Natríum 0,5 g

Rifsberjahelgarsteik – vörunýjung

 

SS hefur sett á markað nýja tegund af helgarsteikum, Rifsberjahelgarsteik. Steikurnar eru lagðar í sérlega mjúkan kryddlög sem hæfir lambakjöti einkar vel og gerir helgarsteikina að sannkölluðum veislumat. Lambakjötið má elda á hefðbundinn hátt með því að steikja í ofni, en einnig hentar það mjög vel á grillið.

Hér fylgir með uppskrift að nýstárlegri sósu, skyr-bearnaisesósu, sem er borin fram köld með kjötinu. Hægt er að búa sér í haginn með því að gera sósuna fyrirfram.

Skyr-bearnaise-sósa:
2 stk. eggjarauður
1 msk.  dijonsinnep
100 ml góð, bragðlítil olía
250 ml skyr
2 tsk. bearnaise-bragðefni

Hrærið eggjarauður í hrærivél með sinnepinu og bætið olíunni við í mjórri bunu. Setjið skyrið út í og bragðbætið með bragðefninu. Geymið í kæli.

Næring:
Orka  762 kJ/182 kkal
Prótín 17 g
Kolvetni 1 g
Fita 12 g
Natríum 0,4 g