Fréttabréf SS – 2. tbl. 2021

05/05/2021 | Bændafréttir, Fréttabréf

Umfjöllun er að þessu sinni um skipulagningu sauðfjárslátrunar en Sverrir Gíslason, Kirkjubæjarklaustri II hefur tekið að sér að skipuleggja sauðfjárinnlegg í haust. Einnig er velt upp hvort verðhlutföll dilka í EUROP matskerfinu séu að hvetja nægjanlega til framleiðslu á þeirri vöru sem hentar best á markaðnum. Fjallað er um álag á þyngri dilka en í síðasta fréttabréfi var varpað fram þeirri hugmynd að hagræðing gæti verið af því að auka meðal fallþyngd dilka. Farið er yfir stöðuna á kjötmarkaðnum en sala á dilkakjöti hefur verið að þróast með jákvæðum hætti síðustu mánuði.

Matarstræti, sameiginleg vefgátt fyrir sölu á vörum þeirra félaga sem mynda samstæðu SS er kynnt en með þessum hætti er boðið upp á aukin þægindi í viðskiptum við félagið. Að þessu sinni er kynning á Heiðari Jónssyni bílstjóra sem hefur starfað í rúm 20 ár hjá SS auk kynningar á nýjum vörum.

Fréttabréf 2021 2. tbl. á pdf formi.

Fréttabréf SS – 1. tbl. 2021

16/04/2021 | Bændafréttir, Fréttabréf

Fréttabréf SS er endurvakið á nýju formi og er nú rafrænt í samræmi við umhverfisstefnu félagsins. Í fréttabréfinu verður miðlað upplýsingum um starfsemi félagsins og stöðuna á kjötmarkaði.

Að þessu sinni er umfjöllun um kostnað afurðastöðva, afurðaverð og mikilvægi hagræðingar í greininni. Einnig hvort stefna eigi að hærri fallþyngd dilka með nýtingu fóðurkáls fyrr en venja hefur verið. Fjallað er um stöðuna á kjötmarkaði, fjárfestingar í vélbúnaði, umhverfismál, búvörudeild, vöruþróun og nýjar vörur.

Fréttabréf 2021 1tbl á pdf formi