Verðhlutföll kindakjöts haustið 2015 hafa verið ákveðin og taka þau smávægilegum breytingum á milli ára. Álag í upphafi sláturtíðar er aukið. Til að stuðla að jafnari slátrun og lækkun sláturkostnaðar hefur verið ákveðið að færa yfirborganir frá vikum 39 og 40 yfir á vikur 36, 37 og 38.
Nánari upplýsingar um verðhlutföll kindakjöts haustið 2015
SS hækkar bændaverð á nautgripum frá og með 7. apríl 2015. Vegin meðaltalshækkun ungneyta er 4,96% miðað við innlegg ársins 2014 og verð á KIU flokkum hækkar um 6,45%.
Frá sama tíma verður heimtökugjald á nautgripi 98 kr/kg og flutningsgjald 15 kr/kg.
Þjónustuslátrun á sauðfé verður miðvikudaginn 25. mars 2015. Féð verður sótt daginn áður, þriðjudaginn 24. mars. Greitt verður grunnverð sláturtíðar 2014.
Tekið á móti sláturpöntunum í sláturhúsinu á Selfossi í síma 480 4100.
SS birtir nú verðhlutföll á kindakjöti haustið 2015. Ekki eru gerðar miklar breytingar frá fyrra hausti. Áætlað er að hefja slátrun 19. ágúst með um 800 kindum og 113% verðhlutfall fyrir dilka. Samfelld slátrun hefst svo 9. september n.k.
Breytingar sem nú eru gerðar byggja á reynslu síðasta hausts og ættu að stuðla að betri þjónustu við bændur og á sama tíma góðri nýtingu sláturhússins og lægri sláturkostnaði.
SS greiðir 2,4% viðbót á andvirði afurðainnleggs 2014 til bænda 27. febrúar 2015. Í heild nemur viðbótin með virðisaukaskatti 52,4 m.kr.
Afkoma SS var góð á árinu 2014. Í samræmi við stefnu félagsins um að tengja saman ávinning bænda af góðum hag SS er með þessum hætti miðlað hluta af hagnaði félagsins til innleggjenda. SS sýnir samvinnuhugsjónina í verki með þessum hætti og leggur áherslu á mikilvægi þess að bændur beini viðskiptum til félagsins til að styrkja áfram grunvöll fyrir því að félagið geti greitt viðbót á afurðaverð.
