Gómsætir jólapakkar fyrir samstarfsfólkið

 

Allar vörur sem SS býður upp á eru sannkallaðar sælkeravörur og sóma sér vel á hátíðarborðum um jólin. Hamborgarhryggurinn er bragðmildur og safaríkur og birkireykta hangilærið er löngu sígilt og vel metið á jólaborðum allra landsmanna. Á jólum viljum við njóta þess allra besta og þess vegna velja tugþúsundir Íslendinga SS vörur á jólum. Endilega kynnið ykkur jólaúrvalið frekar með því að smella á hnappana hér fyrir ofan.

Stekkjastaur kom fyrstur,
stinnur eins og tré.
Hann laumaðist í fjárhúsin
og lék á bóndans fé.

side_bottom_bar

Hangikjöt

Helsti hátíðarmatur Íslendinga um aldir hefur verið hangikjöt. Birkireykta hangikjötið frá SS er sígilt og löngu landsþekkt. Það er aðeins framleitt úr fyrsta flokks hráefni sem gerir það mjúkt,safaríkt og hæfilega bragðmikið. Við reykingu á Birkireykta SS hangikjötinu er notað íslenskt birki.

Tindfjallahangikjet er sunnlenskt sælgæti sem hefur unnið til gullverðlauna. Það er pakkað í lofttæmdar umbúðir og sett í sérsaumaðan strigapoka. Það er skemmtilegt lostæti sem borðað er hrátt og hentar sérstaklega vel sem forréttur eða smáréttur.

Tindfjallahangikjet er tilvalið í jólapakkan – já eða til þess að hafa uppi við á aðventu og bjóða gestum og gangandi ljúffengan jólabita.

xmas_web_img2

 

Hangikjöt eldunarleiðbeiningar: Setjið hangikjötið í kalt vatn (gott að bæta 1-2 msk af sykri í vatnið). Látið suðuna koma upp og sjóðið við vægan hita í 25-30 mín. pr. kg. Slökkvið undir og látið standa áfram á hellunni í lokuðum potti í 2 klst. Færið kjötið upp úr pottinum og setjið strax í kæli.

Gott meðlæti: Jafningur, soðnar kartöflur, grænar baunir og rauðkál.

Ketkrókur, sá tólfti,
kunni á ýmsu lag.
Hann þrammaði í sveitina
á Þorláksmessudag.

side_bottom_bar

Tindfjallahangikjöt ( Tvíreykt) SS
framleiðir eina tegund af hangikjöti sem
er tvíreykt, þurrkað og þurrsaltað með
sjávarsalti. Það er algjört sælgæti og
ætlað til að borða hrátt.

Söltun á Hangikjöti

1. Elsta aðferðin við söltun er þurrsöltun sem felst í því að salti er stráð yfir kjötið og það saltað með þeim hætti. Þessi aðferð er ónákvæm og tryggir ekki að salt komist jafnt að öllu yfirborði kjötsins og einnig erfitt að stýra saltmagninu. Áður fyrr var bætt fyrir þennan galla í aðferðinni með langri reykingu til að kjötið hefði geymsluþol en það skilar þurri og bragðsterkri vöru.

2. Önnur aðferð er að pækilsalta kjöt en þá er kjötið lagt í saltpækil af ákveðnum styrk sem saltar kjötið utan frá. Gallinn við þessa aðferð eins og þurrsöltun er að hún tryggir ekki jafna söltun inn að beini. Það sjást stundum gráir blettir í kjöti sem er saltað með þessari aðferð sem er vegna þess að saltið hefur ekki náð alla leið.

3. Nýjasta aðferðin hefur fengið það neikvæða heiti “sprautusöltun”. Þá er saltpækli af mældum styrk sprautað inn í kjötið sem tryggir jafna söltun alla leið inn að beini og skilar jafnframt safaríkri vöru. Gallinn við þessa aðferð, ef hún er misnotuð, er að hægt að auka þyngd vörunnar verulega sem leiðir til meiri suðurýrnunar. SS notar þessa aðferð en forðast gallann með því að nota lítinn saltpækil við söltun á kjötinu þannig að þyngdaraukning eftir reykingu er óveruleg og suðurýrnun því lítil ef leiðbeiningum er fylgt. Í samanburði við hangikjöt frá sumum öðrum framleiðendum þá er SS birkireykta hangikjötið safaríkara og bragðmildara og hefur líkað mjög vel m.a. hjá yngra fólki.

Sá fjórði, Þvörusleikir,
var afskaplega mjór.
Og ósköp varð hann glaður,
þegar eldabuskan fór.

Jólaskinkur

Það er einfalt að gera góða hátíðlega máltíð úr skinku og er hún tilvalinn á jólahlaðborðið. Skinka
er saltaður og reyktur beinlaus vöðvi unnin úr svínalæri. SS hefur á boðstólnum hina hefðbundnu Bayonneskinku sem á uppruna sinn að rekja til borgarinnar Bayonne í Frakklandi. Skinkan er örlítið sæt og passlega sölt. Almenna reglan er að skera kjötið þunnt og er áferðin fíngerð og ljúffeng. Einiberjareykta skinkan er sérvalin skinka sem er mjúklega reykt í einiberjalyngi og er einstaklega jólaleg og bragðgóð. Þægilegt að skera þær niður í fallegar sneiðar á jólafatið.

xmas_image_2

Sá sjötti, Askasleikir,
var alveg dæmalaus.
Hann fram undan rúmunum
rak sinn ljóta haus.

Þrettándi var Kertasníkir,
þá var tíðin köld,
ef ekki kom hann síðastur
á aðfangadagskvöld.

 

Eldunarleiðbeiningar:
Einiberjareykt skinka – soðin:
Soðnar skinkur eru oftast bornar fram kaldar og oftast skornar í fallegar þunnar sneiðar og settar á fat. Sumir kjósa þó að setja rasphjúp yfir þær og hita aðeins í ofni þar til hjúpurinn er orðin gylltur. Einnig má hita skinkuna hvort sem er í potti eða ofni og borða þannig.

Rasphjúpur: 1 egg, 2 msk. Sinnep, 1 msk. Púðursykur, 3 msk. Brauðrasp. Berið blönduna á
skinkuna og stráið raspi yfir. Bakið við 200 C í 10 mín. eða þar til hjúpurinn er fallega gylltur

 

 

Sá fjórði, Þvörusleikir,
var afskaplega mjór.
Og ósköp varð hann glaður,
þegar eldabuskan fór.

Hamborgarhryggur

Kjötmeistarar SS leggja sig fram við að velja einungis kjötmestu og fallegustu svínahryggina í SS hamborgarhrygg. SS hefur framleitt hamborgarhryggi í hartnær heila öld og byggir reyking þeirra á gamalli og faglegðri hefð sem fer fram í nútíma tölvustýrðum reykofnum sem tryggja jafna og góða reykingu.

xmas_image_3

Skyrjarmur, sá áttundi,
var skelfilegt naut.
Hann hlemminn o´n af sánum
með hnefanum braut.

 

 

 

Stekkjastaur kom fyrstur,
stinnur eins og tré.
Hann laumaðist í fjárhúsin
og lék á bóndans fé.

 

 

 

Hamborgarhryggur eldunarleiðbeiningar:

Í potti: Setjið hrygginn í pott með köldu vatni, látið suðuna koma upp og sjóðið rólega í 50 mín. Slökkvið undir pottinum og látið bíða í 30 mín.

Í ofni: Hitið ofn í 150 C, etjið hrygginn í ofnskúffu með u.þ.b 1 lítra af vatni. Eldið í 70 mín.

ATH: Ef soðið klárast bætið við soðnu vatni í skúffuna. Sigtið soðið og geymið fyrir sósu.

Í steikarpotti í ofni: Hitið ofninn í 120 C. Setið hrygginn í steikarpott með u.þ.b 1 lítra af vatni. Eldið í 2 tíma og 15 mín. í lokuðum steikarpotti. Sigtið soðið og geymið fyrir sósu.

Gljái: 100 g púðursykur, 2 msk. Dijon- sinnep, 1msk., hunang, ½ egg. Öllu hrært saman. Þegar hryggurinn hefur verið eldaður er gott að hjúpa hann með gljáanum og elda í uþb 10-15 mín. til viðbótar, eða þar til gljáinn er farinn að brúnast.

Látið hrygginn standa í uþb 15 mín. áður en hann er skorinn. Kjöthitamælir á að sýna 68 C, óháð eldunaraðferð.

 

Þrettándi var Kertasníkir,
þá var tíðin köld,
ef ekki kom hann síðastur
á aðfangadagskvöld.