21/02/2019 | Ársskýrslur og uppgjör, Fjárfestar, Fréttatilkynningar, Fréttir, Fréttir 2019
Fréttatilkynningin á pdf. formi með 5 ára yfirliti
Ársreikningur 2018 á pdf. formi
• Rekstrartekjur ársins 11.571 m.kr. en 11.741 m.kr. árið 2017
• 179 m.kr. hagnaður á árinu á móti 160 m.kr. árið áður
• EBITDA afkoma var 790 m.kr. en 704 m.kr. árið 2017
• Eigið fé 5.329 m.kr. og eiginfjárhlutfall 57%
Samstæðuársreikningurinn samanstendur af ársreikningi Sláturfélags Suðurlands svf. og dótturfélaga þess, Reykjagarðs hf. og Hollt og gott ehf.
Hagnaður samstæðu Sláturfélags Suðurlands á árinu 2018 var 179 m.kr. skv. rekstarreikningi. Árið áður var 160 m.kr. hagnaður. Eigið fé er 5.329 m.kr. og eiginfjárhlutfall samstæðunnar er 57%.
Rekstrartekjur samstæðu Sláturfélags Suðurlands voru 11.571 m.kr. árið 2018, en 11.741 m.kr. árið áður og lækka því um 1%. Aðrar tekjur voru 151 m.kr. en 53 m.kr. árið áður.
Vöru- og umbúðanotkun var 5.361 m.kr. en 5.825 m.kr. árið áður. Launakostnaður var 3.448 m.kr. og hækkaði um rúm 6%, annar rekstrarkostnaður var 2.123 m.kr. og hækkaði um tæp 5%. Afskriftir hækkuðu um 8%. Rekstrarhagnaður án fjármunatekna og fjármagnsgjalda var 360 m.kr., en 304 m.kr. árið áður. Hagnaður fyrir fjármagnsgjöld og afskriftir (EBITDA) var 790 m.kr. en var 704 m.kr. árið áður.
Fjármagnsgjöld umfram fjármunatekjur voru 135 m.kr., en voru 109 m.kr. árið áður. Gengishagnaður var 3 m.kr. samanborið við 17 m.kr. gengistap árið áður.
Reiknaður gjaldfærður tekjuskattur er 46 m.kr. en 36 m.kr. árið áður. Hagnaður af rekstri ársins var 179 m.kr. en 160 m.kr. árið áður.
Veltufé frá rekstri án vaxta og skatta var 787 m.kr. árið 2018 samanborið við 691 m.kr. árið 2017. Heildareignir Sláturfélagsins 31. desember 2018 voru 9.282 m.kr. og eiginfjárhlutfall 57%. Veltufjárhlutfall var 2,1 árið 2018, en 2,2 árið áður.
Fjárfest var á árinu fyrir 1.057 m.kr. í varanlegum rekstrarfjármunum en 948 m.kr. árið áður. Seldar voru eignir fyrir 16 m.kr. Á árinu var fjárfest í fasteignum fyrir 477 m.kr., vélum og tækjabúnaði fyrir 553 m.kr. og bifreiðum 27 m.kr.
Samkvæmt samþykkt aðalfundar félagsins í mars 2018 var í aprílmánuði greiddur 11,73% arður af B-deild stofnsjóðs alls 21 m.kr. og reiknaðir 4% vextir á A-deild stofnsjóðs alls 14 m.kr.
Stjórnin staðfesti endurskoðaðan ársreikning félagsins á stjórnarfundi í dag.
Sláturfélagið er skráð á First North markaðinn hjá NASDAQ OMX. Sláturfélagið birtir upplýsingar um afkomu á sex mánaða fresti. Ráðgert er að birta afkomu fyrri árshelmings ársins 2019 þann 22. ágúst 2019.
Aðalfundur
Aðalfundur Sláturfélags Suðurlands verður haldinn föstudaginn 22. mars n.k. Stjórn félagsins mun þar leggja til að greiddur verði 13,26% arður af B-deild stofnsjóðs, þar af verðbótarþáttur 3,26%, alls 23,9 m.kr. eða 0,13 kr. á hvern útgefin hlut og reiknaðir 5% vextir á höfuðstól inneigna í A-deild stofnsjóðs, alls 17,7 m.kr.
Staða og horfur
Fjárhagsstaða Sláturfélagsins er traust með 57% eiginfjárhlutfall og veltufjárhlutfall 2,1. Langtímatímaskuldir í lok árs voru 1.955 m.kr. Næsta árs afborganir eru um 86 m.kr. en lán samstæðunnar eru til langs tíma.
Afkoma afurðahluta félagsins batnaði milli ára en veiking krónu á síðari árshelmingi hafði jákvæð áhrif á útflutningstekjur sem og hærra verð á erlendum mörkuðum. Gert er ráð fyrir áframhaldandi neikvæðum áhrifum af nýjum EB tollasamningi, sérstaklega vegna opnunar fyrir ferskt erlent kjöt. Jákvætt er hins vegar að kindakjötsframleiðslan er að aðlagast betur að innanlandsmarkaði.
Kjötiðnaður félagsins stendur traustum fótum og afkoma batnaði á árinu. Ímynd félagsins á markaði er góð og staða lykilvörumerkja sterk sem treystir grundvöll fyrir áframhaldandi uppbyggingu félagsins sem leiðandi aðila á kjötmarkaðnum.
Innflutningshluti félagsins er traustur bæði í matvælum sem og í búvörum. Góð tækifæri eru til enn frekari vaxtar enda félagið í samstarfi við leiðandi aðila á sínu sviði.
Fjárhagsdagatal
Aðalfundur 2019 22. mars 2019
Janúar – júní 2019 uppgjör 22. ágúst 2019
Júlí – desember 2019 uppgjör 20. febrúar 2020
Aðalfundur 2020 20. mars 2020
Frekari upplýsingar veitir:
Steinþór Skúlason, forstjóri í síma 575 6000 – steinthor@ss.is
Hjalti H. Hjaltason, fjármálastjóri í síma 575 6000 – hjalti@ss.is
21/12/2018 | Frettir, Fréttir 2018, Til bænda, Uncategorized
Nú liggur fyrir sláturáætlun og verðhlutföll fyrir haustið 2019. Litlar breytingar eru á milli ára. Áætlað er að hefja samfellda slátrun miðvikudaginn 4. september.
Sláturáætlun og verðhlutföll 2019
23/08/2018 | Ársskýrslur og uppgjör, Fjárfestar, Fréttatilkynningar, Fréttir, Fréttir 2018, Uncategorized
Fréttatilkynning á pdf. formi með 5 ára yfirliti
Árshlutareikningur jan-jún 2018 á pdf. formi
• Tekjur á fyrri árshelmingi 5.881 m.kr. og lækka um 6% milli ára.
• 81 m.kr. hagnaður á fyrri árshelmingi ársins en 129 m.kr. hagnaður árið áður.
• EBITDA afkoma var 376 m.kr. en 408 m.kr. árið áður.
• Eigið fé 5.234 m.kr. í lok júní og eiginfjárhlutfall 59%.
Árshlutareikningurinn samanstendur af árshlutareikningi Sláturfélags Suðurlands svf. og dótturfélögum þess, Reykjagarði hf. og Hollt og gott ehf.
Hagnaður samstæðu Sláturfélags Suðurlands á tímabilinu janúar til júní 2018 var 81 m.kr. Á sama tímabili árið áður var 129 m.kr. hagnaður. Eigið fé Sláturfélagsins er 5.234 m.kr. í lok júní.
Rekstrartekjur samstæðu Sláturfélags Suðurlands voru 5.881 m.kr. á fyrri árshelmingi ársins 2018, en 6.235 m.kr. á sama tíma árið áður og lækka því um tæp 6%. Aðrar tekjur voru 25 m.kr. en 7 m.kr. árið áður.
Vöru- og umbúðanotkun var 2.981 m.kr. en 3.424 m.kr. árið áður. Launakostnaður hækkaði um rúm 9%, annar rekstrarkostnaður hækkaði um tæpt 1% og afskriftir um tæp 6%. Rekstrarhagnaður án fjármunatekna og fjármagnsgjalda var 166 m.kr., en 210 m.kr. árið áður. Hagnaður fyrir fjármagnsgjöld og afskriftir (EBITDA) var 376 m.kr. en var 408 m.kr. á sama tíma í fyrra.
Fjármagnsgjöld umfram fjármunatekjur voru 64 m.kr., en voru 52 m.kr., á sama tímabili í fyrra. Reiknaður tekjuskattur nam 21 m.kr., en 29 m.kr. árið áður. Hagnaður af rekstri tímabilsins var 81 m.kr. en 129 m.kr. á sama tímabili árið áður. Minni hagnaður skýrist fyrst og fremst af lakari afkomu dótturfélaga og innflutningshluta félagsins.
Veltufé frá rekstri án vaxta og skatta var 375 m.kr. á fyrri árshelmingi ársins 2018, samanborið við 405 m.kr. fyrir sama tímabil árið 2017. Heildareignir Sláturfélagsins 30. júní voru 8.874 m.kr. og eiginfjárhlutfall 59% en 58% árið áður. Veltufjárhlutfall var 2,2 á fyrri hluta ársins 2018, en 2,3 árið áður.
Fjárfest var í varanlegum rekstarfjármunum á fyrri árshelmingi 2018 fyrir 420 m.kr. en 519 m.kr. á sama tímabili árið áður. Fjárfest var í fasteignum fyrir 83 m.kr. og vélbúnaði og bifreiðum fyrir 337 m.kr.
Samkvæmt samþykkt aðalfundar félagsins í mars 2018 var í aprílmánuði greiddur 11,73% arður af B-deild stofnsjóðs alls 21 m.kr. og reiknaðir 4% vextir á A-deild stofnsjóðs alls 14 m.kr.
Stjórn og forstjóri staðfestu árshlutareikning samstæðu Sláturfélagsins fyrir tímabilið 1. janúar – 30. júní 2018
með undirritun á stjórnarfundi í dag. Árshlutareikningur samstæðunnar er með könnunaráritun endurskoðenda.
Sláturfélagið er skráð á First North markaðinn hjá NASDAQ OMX. Sláturfélagið birtir upplýsingar um afkomu á sex mánaða fresti. Ráðgert er að birta afkomu ársins 2018 þann 21. febrúar 2019.
Staða og horfur
Fjárhagsstaða Sláturfélagsins er traust með 59% eiginfjárhlutfall og veltufjárhlutfall 2,2. Langtímatímaskuldir í lok júní 2018 voru 1.765 m.kr. Næsta árs afborganir eru um 77 m.kr. en lán samstæðunnar eru til langs tíma.
Afkoma Sláturfélagsins versnaði milli ára einkum vegna hækkunar á launakostnaði. Innflutningur á kjöti eykst stöðugt. Gert er ráð fyrir að nýr EB tollasamningur muni hafa verulega neikvæð áhrif á innlendan kjötmarkað á næstu árum og því m.a. brýnt að aðlaga kindakjötsframleiðsluna betur að innanlandsmarkaði.
Staða lykilvörumerkja félagsins í kjötiðnaði er sterk og ímynd félagsins góð á markaði sem rennir stoðum undir frekari uppbyggingu á markaðsstöðu á komandi árum. Samt sem áður er reiknað með erfiðum aðstæðum á kjötmarkaði á næstu árum.
Erfið staða sauðfjárræktar hafði neikvæð áhrif á afkomu búvöruhluta innflutningsdeildar á fyrri árshelmingi. Búvöruhluti innflutningsdeildar hefur byggst upp á undanförnum árum og er að þjónusta bændur með allar helstu rekstrarvörur.
Fjárhagsdagatal
Júlí – desember 2018 uppgjör 21. febrúar 2019
Aðalfundur 2019 22. mars 2019
Frekari upplýsingar veita:
Steinþór Skúlason, forstjóri í síma 575 6000 – steinthor@ss.is
Hjalti H. Hjaltason, fjármálastjóri í síma 575 6000 – hjalti@ss.is
23/03/2018 | Bændafréttir, Fjárfestar, Fréttatilkynningar, Fréttir 2018, Uncategorized
Niðurstöður aðalfundar Sláturfélags Suðurlands svf. Hér á PDF. formi.
Aðalfundur Sláturfélags Suðurlands var haldinn föstudaginn 23. mars 2018 kl. 15:00 að Goðalandi, Fljótshlíð.
1. Ársreikningur
Aðalfundur samþykkti ársreikning félagsins vegna ársins 2017.
2. Tillaga stjórnar um vexti af stofnsjóði og greiðslu arðs samþykkt
Stjórn Sláturfélags Suðurlands svf. leggur til við aðalfund að greiddur verði 11,73% arður af B-deild stofnsjóðs þar af er verðbótaþáttur 1,73% skv. 1. mgr. 14. gr. samþykkta félagsins, alls kr. 21.122.719,- eða 0,12 kr. á hvern útgefin hlut. Jafnframt að reiknaðir verði 4% vextir á höfuðstól inneigna í A-deild stofnsjóðs, alls kr. 13.992.579,- Arðleysisdagur er 26. mars og arðréttindadagur er 27. mars. Greiðsludagur arðs er 26. apríl n.k.
3. Kosning stjórnar
Stjórn félagsins eftir kosningar skipa eftirtaldir:
Aðalmenn:
Hallfreður Vilhjálmsson, formaður, kt. 031259-4449
Ingibjörg Daníelsdóttir, ritari, kt. 081254-5329
Jóhanna Bríet Ingólfsdóttir, kt. 140745-3329
Kristinn Jónsson, varaformaður, kt. 020460-3939
Sverrir Gíslason, kt. 060469-4319
Til vara:
Guðmundur H. Davíðsson, kt. 020659-2119
Gunnar Sigurjónsson, kt. 170166-3299
Lilja Guðrún Eyþórsdóttir, kt. 260864-5489
Guðmundur Ómar Helgason, kt. 290672-3689
Þorsteinn Logi Einarsson, kt. 221082-5169
4. Kosning skoðunarmanna og endurskoðenda
Löggiltur endurskoðandi:
Deloitte hf., Smáratorgi 3, 201 Kópavogur
Skoðunarmenn:
Aðalmenn:
Ásbjörn Sigurgeirsson, kt. 200752-2529
Jónas Erlendsson, kt. 230263-7369
Varaskoðunarmenn:
Esther Guðjónsdóttir, kt. 010366-5509
Ragnar Lárusson, kt. 141057-4569
5. Laun stjórnar og skoðunarmanna
Stjórnarformaður kr. 1.297.000,- á ári.
Meðstjórnendur kr. 648.000,- á ári.
Skoðunarmenn kr. 170.000,- á ári.
Endurskoðunarnefnd(stjórnarmaður) kr. 170.000,- á ári.
22/03/2018 | Ársskýrslur og uppgjör, Fjárfestar, Fréttir 2018, Uncategorized
Ársskýrsla á pdf. formi
