Yara birti verðskrá 12. desember s.l. Frá þeim tíma hefur köfnunarefnisáburður lækkað á erlendum mörkuðum.
SS vill koma ávinningi af lækkun köfnunarefnis til bænda og gefur út nýja verðskrá á Yara áburði 2023.
Umtalsverð verðlækkun
Verðlækkun frá verðskrá 12. desember er allt að 9%. Mest er lækkun á hreinum köfnunarefnistegundum eins og OPTI-KAS, OPTI-NS og á NPK 25-2-6. Aðrar algengar þrígildar tegundir eru að lækka allt að 6%. Það sem vegur á móti frekari verðlækkun er mikil gengisveiking á undanförnum vikum.
Frí heimkeyrsla á áburði framlengd til 15. febrúar
Til að koma til móts við þá bændur sem dregið hafa að ljúka áburðarpöntun þar sem verð frá öðrum áburðarsölum hefur ekki legið fyrir þá framlengjum við tilboði um fría heimkeyrslu fram til 15. febrúar n.k.
Þeir fjölmörgu bændur sem nú þegar hafa pantað Yara áburð njóta einnig þessarar verðlækkana sem og bændur sem keyptu birgðir í haust.
Nánari upplýsingar á heimasíðu Yara: Verðlækkun á Yara áburði