Upplýsingar til nýrra innleggjenda.
Forgang að slátrun hjá SS hafa núverandi innleggjendur og þar á eftir þeir bændur á félagssvæði SS sem ekki hafa lagt inn hjá félaginu. Félagssvæðið nær frá Dölum og austur að Jökulsá á Breiðamerkursandi.
Þess er óskað að bændur á félagssvæðinu sem vilja koma til nýrra viðskipta við SS sendi grunnupplýsingar um innleggjanda auk upplýsinga um fjölda sláturgripa og sláturtíma með því að fylla út þetta rafræna eyðublað hér að neðan fyrir 10. apríl næstkomandi.
Eftir það verður sláturgeta og tími ákveðin og óvíst hversu miklu umfram þær pantanir sem berast verður hægt að taka við síðar.
Bændur utan félagssvæðis SS sem hafa áhuga á að koma til innleggsviðskipta er að sama skapi bent á að fylla út sama eyðublað fyrir 30. apríl næstkomandi, en rétt að benda á að ekki er vitað hvort hægt verði að taka á móti nýju innleggi utan félagssvæðisins.
Þeir sem eru í innleggsviðskiptum þurfa ekki að bregðast við.