by Sigrún Edda | 04/09/2018 | Bændafréttir, Fréttir, Fréttir 2018, Til bænda
Sláturfélag Suðurlands svf hækkar verð á fóðri um 8 – 10%
Hækkunin tekur gildi frá og með 4. September 2018
Vegna mikilla þurrka hefur orðið uppskerubrestur á kornvörum í Evrópu og er þessi verðhækkun afleiðing af því ásamt umtalsverð hækkun á flutningsgjöldum
Þess ber að geta að SS hefur ekki hækkað fóðurverð síðan í janúar 2013 en lækkað fóðurverð
10 sinnum frá því tímabili um alls 26% .
Fóðurverð frá SS hefur verið óbreytt frá því í desember 2016
Upplýsingar gefur Elías Hartmann í síma 575-6005
Meðfylgjandi er ný verðskrá yfir kjarnfóður fyrir nautgripi:
Fóðurverðskrá kúa-kálfa-nautgripafóður 04.09.18
by Sigrún Edda | 16/10/2017 | Bændafréttir, Fréttir
Það verður spennandi að sjá niðurstöður tilraunarinnar okkar á Hvolsvelli en í dag á að þreskja kornið.
by Sigrún Edda | 22/09/2017 | Bændafréttir, Fréttir
Nú í vor voru lagðir út 28 tilraunareitir á Hvolsvelli á vegum Búvörudeildar SS. Markmið tilraunarinnar er að skoða áhrif mismunandi áburðaskammta á korn og grænfóður. Einnig var sáð mismunandi grastegundum sem fengu sama áburðarskammt. Allur áburður sem var notaður er frá Yara. Stefnt er að því að þreskja kornið í næsta þurrki.
Þar sem sýrustig í jarðveginum var mjög gott, pH 6,7 var ekki kalkað. Mjög mikilvægt er að athuga sýrustigið í jarðveginum áður en sáð er, til að hafa aðstæður sem bestar fyrir sáðgróðurinn.
Í korninu var sáð Kríu og Aukusti alls 12 reitir. Fengu allir reitirnir 70 kg/ha af köfnunarefni en mismunandi magn af fosfór og kalí.
Sáð var tveimur tegundum af grænfóðri í 12 reiti, vetrarrýgresi Sikem og vetrarrepja Emerald. Þessir reitir fengu mismunandi áburðarskammta af N, P og K.
Sáð var í 3 reiti með mismunandi grastegundum; vallarfox Engmo, hávingull Norild, SS Alhliða grasfræblanda sem inniheldur; vallarfoxgras 60%, fjölært rýgresi 15%, hávingul 15% og vallarsveifgras 10%. Þessir reitir fengu allir sama áburðarskammt, 600 kg/ha af NPK 15-7-12.
Einnig var sáð í 1 reit fjölæru rýgresi Calibra. Áburðarskammturinn sem hann fékk var 714 kg/ha af NPK 20-4-11.
Reitirnir eru vel merktir og er gestum og gangandi velkomið að ganga um reitina og virða þá fyrir sér.
Búið að skipta niður reitunum fyrir sáningu
Spretta komin af stað á öllum reitum.
by Sigrún Edda | 12/11/2015 | Bændafréttir, Fréttir, Frettir, Fréttir 2015, Til bænda
Dagana 3ja-6. nóvember voru haldnir hinir árlegu bændafundir Sláturfélags Suðurlands. Góð mæting var á alla fundina en voru þeir haldnir í Valaskjálf Egilsstöðum, Hlíðarbæ Akureyri, Félagsheimilinu Hvoli, Hvolsvelli og Félagsheimilinu Lyngbrekku, Borgarfirði.
Guðni Ágústsson var fundarstjóri líkt og undanfarin ár en Sólmundur Hólm var með skemmtiatriði á þremur af fundarstöðunum. Söngbræður sungu fyrir gesti í Félagsheimili Lyngbrekku.
Sólmundur Hólm með skemmtiatriði.
Fundurinn á Akureyri.
Söngbræður sáu um skemmtiatriði í Félagsheimilinu Lyngbrekku.
Ole Stampe hélt fyrirlestur um áburð og mikilvægi selens.
Jakob Dahl Kvistgård hélt fyrirlestur um fóðrun ungnauta.
Fundargestir á Hvolsvelli.
Guðni Ágústsson fundarstjóri.
by Sigrún Edda | 02/11/2015 | Bændafréttir, Fréttir, Frettir, Fréttir 2015, SS almennar Fréttir, Til bænda
Sláturfélag Suðurlands svf hefur lækkað verð á tilbúnu óerfðabreyttu kjarnfóðri um allt að 2%
Lækkunin tók gildi frá og með 1. nóvember 2015
Nánari upplýsingar gefur Elías Hartmann í síma 575-6005