Frábær árangur Halldórs Eyþórs, SS manns
Halldór Eyþórsson starfaði um langt árabil sem einn af öflugustu sölumönnum félagsins. Auk þess að vera frábær sölumaður er Halldór öðrum sterkari og með þeim bestu í kraftlyftingum á landinu. SS hefur styrkt Halldór til keppni og gerði það einnig nú þó hann starfi ekki lengur hjá SS heldur hafi söðlað um og sinni iðn sinni sem kennari við kjötiðn í Matvælaskólanum í Kópavogi. Halldór hefur sterkar taugar til SS og er því í okkar augum enn SS maður.
Við óskum honum til hamingju með frábæran árangur. Halldór heldur á íslenska fánanum við verðlaunaafhendinguna.
