Til að mæta þörfum bænda um upplýsingar í því skyni að hver og einn geti metið hagkvæmasta sláturtíma fyrir sig þá mun SS birta upplýsingar um þróun flokkunar og meðalverð meðan á sauðfjársláturtíð stendur. Ákvarðanir bænda sem byggja á réttum upplýsingum hjálpa svo félaginu að móta hvernig verðlagning á að breytast eftir vikum til að stuðla að jafnri ásókn í slátrun og lágmörkun sláturkostnaðar sem skilar sér til bænda í hærra afurðaverði.
 
Eftirfarandi tafla verður uppfærð vikulega. Sjá má að fyrstu slátranir skila háu meðalverði sem er nánast hið sama á milli vikna þrátt fyrir að verðskráin lækki um 2%. Ástæðan er sú að holdfyllingin hækkar aðeins en fyrst og fremst er það fitueinkunnin sem lækkar og hækkar þar með meðalverð en eins og kunnugt er þá hefur fituflokkun mun meiri áhrif á verð en holdfylling.

Sauðfé: Flokkun og meðalverð í viku 34 – 35 í pdf skjali.

flokkun_og_medalverd2011v34og35