Sláturtíðin á Selfossi

Nýtt fréttabréf SS má kalla myndasögu úr sláturtíðinni og verður eingöngu birt á heimasíðu SS.

Þessi nýbreytni gefur nýja möguleika og leyfir auknar myndskreytingar án þess að kostnaður fari úr hófi.

Hægt er að skoða bréfið hvort sem er sem pdf skjal eða sem veffréttabréf sem hægt er að fletta og stækka eða minnka. Einnig er hægt að prenta bréfið út á eigin prentara ef notendur vilja.

Efni og áhersla bréfsins er fólk að störfum í vertíð við slátrun. Ekki er hjá því komist að á myndum sjáist atriði sem tengjast slátrun og gætu vakið óhug einhverra og er þeim bent á að skoða ekki fréttabréfið.

Fréttabréf SS á pdf formi.

Fréttabréf SS á vefformi.

Sauðfjárslátrun 2011, þróun flokkunar og meðalverðs í viku 34 til 43

Til að mæta þörfum bænda um upplýsingar í því skyni að hver og einn geti metið hagkvæmasta sláturtíma fyrir sig þá mun SS birta upplýsingar um þróun flokkunar og meðalverð meðan á sauðfjársláturtíð stendur.

Ákvarðanir bænda sem byggja á réttum upplýsingum hjálpa svo félaginu að móta hvernig verðlagning á að breytast eftir vikum til að stuðla að jafnri ásókn í slátrun og lágmörkun sláturkostnaðar sem skilar sér til bænda í hærra afurðaverði.

Eftirfarandi tafla verður uppfærð vikulega. Sjá má að fyrstu slátranir skila háu meðalverði sem er nánast hið sama fyrstu tvær vikurnar. Stígandi er í holdfyllingu en fitan sveiflast aðeins. Eftir breytingu á verðhlutföllum skv. tillögu LS vegur holdfylling meira en fita í verði nema fita fari yfir 3. Meðalverð pr. kg lækkar eftir viku 35 fram til viku 40 en eftir það er mjög lítill munur á milli vikna. 

Sauðfé:  Flokkun og meðalverð í viku 34 – 43 í pdf skjali.