by Avalonia Vefþjónusta | 25/07/2011 | Fréttir 2011
Stjórn Sláturfélagsins hefur tekið ákvörðun um verðskrá kindakjöts fyrir komandi sláturtíð. Ljóst er að þörf framleiðenda fyrir verðhækkun er mikil og í umræðu liðinna daga hafa verið skapaðar miklar væntingar um verðhækkun.
Á móti þörf fyrir verðhækkun verður að meta markaðslega stöðu og afleiðingar mjög stórrar verðbreytingar á sama tíma og kaupmáttur neytenda er skertur. Innanlandsmarkaður er mikilvægasti markaður sauðfjárbænda og mikið í húfi að sterk staða kindakjöts í neyslu raskist ekki.
Mat stjórnar félagsins á þessum þáttum hefur leitt til niðurstöðu sem felur í sér 17,2% hækkun frá fyrra ári á því meðalverði sem félagið mun greiða fyrir innlagt kindakjöt í haust. Landssamtök sauðfjárbænda hafa ákveðið ný verðhlutföll milli flokka dilkakjöts og ærkjöts sem SS mun fylgja. 17,2% meðal verðbreyting sem ákveðin hefur verið felur í sér að meðalverð fyrir dilkakjöt til bænda mun hækka um 14% og meðalverð fyrir kjöt af fullorðnu mun hækka um 101%.
Verð fyrir dilkakjöt og kjöt af fullorðnu er breytilegt eftir sláturvikum eins og áður hefur verið kynnt. Verðskráin endurspeglar þá ákvörðun um hækkun á meðalverði sem tekin hefur verið. Sláturfélagið mun endurskoða verðskrá sína ef tilefni gefast.
Nánari upplýsingar:
ATH. breytt verðskrá sauðfjárafurða tók gildi 31 ágúst – pdf
Fréttabréf SS 22. júlí 2011 – Vefrit
Fréttabréf SS 22. júli 2011 – pdf
Sauðfé – Afurðaverðskrá 2011.
by Avalonia Vefþjónusta | 25/07/2011 | Nautakjöt, Perfectfit
Vorið er falleg árstíð – líka fyrir hundinn ykkar.
Náttúran lifnar við og lofthitinn eykst. Því miður er vorið líka tíminn þar sem hundurinn ykkar fer væntanlega úr hárum. Hér getið þið lesið um það hvernig þið getið lifað við hármissinn.
Feldurinn þarf að endurnýja sig
Hárlos hjá hundum stundum stafar yfirleitt af því að feldurinn þarf að endurnýja sig. Hárlosið er mismunandi mikið eftir tegundum, það er árstíðabundið og er mest á vorin og haustin.
Dagleg umhirða feldarins
Við hundaeigendur getum ekki breytt lífeðlisfræðilegum hármissi. En með því að hirða feldinn vel og kemba hann getum við stytt tímann auk þess sem við getum hirt upp hárið og þar með komið í veg fyrir að feldurinn endi í gólfteppinu og húsgögnunum.
Hjá sumum hundum er hið eðlilega hárlostímabil bæði lengra og öflugra en venjulega og það er eins og því ljúki aldrei.Þegar framleiðsla á nýjum hárum er ekki jafnmikil og hármissirinn verður feldurinn þunnur og mattur og stundum flagnar húðin. Þetta ástand getur stafað af húðsjúkdómi, ofnæmi eða hormónatruflunum. Þið ættuð að spyrja dýralækninn hvort ástæða sé til að hefja meðferð.
Munið eftir mikilvægu næringarefnunum!
Hárlos hundsins ykkar getur líka stafað af skorti á vítamínum, steinefnum og mikilvægum amínósýrum eða aukinni þörf á þessum efnum sem þurfa að vera til staðar við uppbyggingu á nýjum vef eða nýju hári. Skorturinn stafar yfirleitt af því að í daglegu fóðri hundsins er ekki nægjanlegt magn af þessum næringarefnum.
Loks geta hundar á vissu tímabili haft aukna þörf fyrir næringarefnum, t.d. þegar hundur gengur með afkvæmi eða er með hvolpa á spena. Sömuleiðis eykur streita þörfina. Sumir hundar verða stressaðir ef þeir eru mikið einir heima eða þegar þeir upplifa breytingar á heimilinu, t.d. flutning eða þess háttar.
Án tillits til þess hver orsökin er fyrir því að hundurinn ykkar fari úr hárum er það alveg víst að aukaskammtur af vítamínum, steinefnum og mikilvægum amínósýrum getur hægt á óeðlilegum hármissi.
—————————————————————————
LUKKUPOTTURINN
Þú hefur fundið pottinn. Vinsamlegast sendu okkur póst á perfectfit@ss.is með lukkunúmerinu og við munum draga úr innsendum netföngum.
Vinningshöfum verður sendur póstur um hæl, hafi þeir unnið körfu.
Í vinning eru þrjár veglegar matarkörfur með þurrfóðri, blautfóðri og gæluvörum.
by Avalonia Vefþjónusta | 25/07/2011 | Nautakjöt, Perfectfit
Hundurinn ykkar verður aldrei of gamall til að leika sér.
Og alls ekki ef þið finnið upp á nýjum uppátækjum sem geta útvíkkað úrvalið af skemmtilegum æfingum. Þessa leitaræfingu getið þið leikið ykkur með bæði úti og inni. En hvers vegna ekki að fara með æfinguna út í góða veðrið?
• Þið eigið að nota misþykka efnisbúta: diskaþurrku, handklæði, gamalt sængurver eða þess háttar. Og svo þurfið þið þurfið þið að vera með handfylli af hundanammi.
• Byrjið á litlum efnisbúti og sýnið hundinum að þið leggið nammið undir hann og látið hann síðan þefa sig að staðnum þar sem hann er. Sumir hundar „grafa sig“ undir efnisbútinn en aðrir færa hann til – látið hundinn ykkar leysa þetta á eigin spýtur.
• Ef hundurinn ykkur byrjar á að bíta í efnisbútinn sýnið honum þá hægt og rólega nammið sem er undir honum. Forðist árekstra í kringum æfinguna og hjálpið hundinum áleiðis ef það lítur út fyrir að hann eigi erfitt með að leysa verkefnið.
• Eftir því sem hundurinn ykkar verður betri og fljótari í því að finna nammið getið þið gert verkefnið erfiðara. Þið gerið það með því að hafa efnisbútinn sem þið leggið yfir nammið sífellt stærri. Þið getið líka brotið efnisbútinn saman og haft nammið á milli tveggja laga.
• Þið getið líka valið efnisbúta af mismunandi þykkt og breytt smám saman til þannig að það verði erfiðara að þefa sig áfram að namminu.
• Ef þið eigið hund sem er hrifinn af því halda á einhverju eða þið hafið kennt honum að koma með hluti má bæta því í æfinguna. Þið getið t.d. falið 3-4 hnúta með nammi hér og þar og kennt síðan hundinum að koma til baka með tómu hnútana þegar hann hefur leyst verkefnið. Síðan getið þið sett aftur í þá nammi og falið þá á nýjum stöðum.
by Avalonia Vefþjónusta | 25/07/2011 | Nautakjöt, Perfectfit
Aukin líkamshreysti
Hundurinn lifir í núinu. Hann getur hvorki skipulagt né gert ráðstafanir. Þess vegna getur hann ekki fengið útrás fyrir orkuna. Það verðið þið að gera fyrir hann þannig að hann missi ekki áhugann á að gera eitthvað vegna ofreynslu.
Fimm punkta áætlun okkar hjálpar við þetta
1. Skref fyrir skref kemst maður í varanlegt og gott form
Vöðvar þurfa að fá tíma til að byggjast upp. Fyrstu æfingarnar mega þess vegna aðeins standa yfir í nokkrar mínútur og þá er best að nota frjálsan leik. Þrjú til fjögur skipti á dag, 10 mínútur í senn, er nóg til að byrja með. Þið eigið ekki að lengja æfingatímann fyrr en hundurinn vill greinilega fá meira. Eftir langan æfingatíma, þar sem gengur á kraftana, hefur sá fjórfætti þörf fyrir langa hvíld.
2. Það er ekki gott að æfa með fullan maga
Hraðar og ákafar hreyfingar eftir ríkulega máltíð geta í versta falli haft vambþembu í för með sér. Í besta falli verður vinur ykkur fljótt þreyttur því efnaskiptin eru mjög virk og þau draga úr hreyfigetu líkamans. Þar fyrir utan: Hver lætur hvetja sig með hundanammi þegar hann er alveg saddur? Þið þurfið því að skipuleggja æfingatímann þannig að það séu a.m.k. tveir tímar frá síðustu máltíð til æfingarinnar. Strax eftir æfinguna ættuð þið að unna hundinum ykkar hvíldar í a.m.k. einn tíma áður en hann fær leyfi til að borða sig saddan.
3. „Power“ – matur og þrekíþróttir
Við stífar æfingar sækja vöðvarnir nauðsynlega orku í fituforðann. Það þarf því að byggja hann upp aftur. Þar fyrir utan missir líkaminn mikinn vökva því hundurinn tekur andköf og það þarf því að fá sér vökva. Þetta tap þarf að jafna með rétta fóðrinu. Aðalmáltíð hundsins á helst að vera um kvöld á undan löngum hvíldartíma. Gætið þess að samsetning fóðursins sé í samræmi við þarfir hins virka hunds þannig að hann taki líka þátt í þjálfuninni af endurnýjuðum krafti og áhuga næsta dag. Hundurinn á að sjálfsögðu að hafa aðgang að fersku vatni allan sólarhringinn þannig að hann geti strax bætt sér upp vökvatapið sem hann hefur orðið fyrir við hreyfinguna.
4. Lítið hundanammi eftir stór verkefni
Þegar koma ný verkefni getið þið notað leikfang eða hundanammi til að auka námsáhugann. Þessi umbun þarf samt að vera auðmelt og má ekki trufla hundinn lengi.
5. Líkamsástand með „stop & go“
Fulla ferð áfram. Það er eðlilegt atferli hjá hundinum ykkar. Innibyrgð orka þarf að fá útrás. Ef ekki er hægt að hafa hemil á henni mun fjórfætti vinur ykkar hella sér út í æfingarnar af slíkum áhuga að hann er nánast örmagna eftir korter. Það eru bara þið sem vitið hve langur og ákafur æfingatíminn á að vera og því verður að halda aftur af hundinum. Eftir leikinn í byrjun komið þið með rólega æfingu eins og að læra að ganga „við hæl“ til að draga úr mesta kraftinum. Og ef ykkur finnst að skapið sé að hlaupa með æfingafélaga ykkar í gönur lækkið þá róminn, hreyfið ykkur hægt og haldið áfram með rólega æfingu.Ef þið haldið áfram að vinna á þann hátt komið þið í veg fyrir auma vöðva og gefið hundinum ykkar tækifæri til að vera í góðu formi í mörg ár.
by Avalonia Vefþjónusta | 25/07/2011 | Perfectfit, Túnfiskur
Lestu um Tíu gullnar reglur um næringu hunda.
Allir hundaeigendur óska sér fyrst og fremst eins: Að dýrið, sem er vinur þeirra, sé heilbrigt og frískt eins lengi og mögulegt er. Og það er fyrst og fremst spurning um rétta næringu.
Dýrið hefur ekki bara þörf fyrir mikilvæg næringarefni, prótín, fitu og kolvetni, heldur líka steinefni, vítamín og trefjar.
Dýralæknar mæla með eftirfarandi:
• Magnið af steinefnum í fóðrinu þarf að vera rétt. Hundar þurfa m.a. að fá fosfór, sem er mikilvægt í næstum allri efnaskiptastarfsemi, og kalk vegna beinanna. Það er mikilvægt að sambandið milli þessara tveggja efna stemmi þannig að það komi ekki fram breytingar í beinunum. Dýrin hafa alltaf þörf fyrir meira kalk en fosfór. Besta hlutfallið er 1,2 – 1,4 á móti 1. Það er nánast útilokað að ná því með heimagerðu fóðri þar sem hlutfallið í dýraafurðum með vöðvakjöti, lifur eða nýrum er 0,05 á móti 1, og í jurtaafurðum eins og haframjöli, hrísgrjónum eða kartöflum er hlutfallið 0,2 á móti 1. Þessa skammta þarf þess vegna að drýgja með aukaskammti af kalki. Kjötbein henta ekki vel til þess. Hundar geta fengið hægðatregðu af þeim og skaðað í sér þarmana.
• Dýrafóður á að sjóða. Ef það er hrátt geta bakteríur, veirur og sníkjudýr borist í hundinn. Aujeszky-veiran er sérstaklega hættuleg og hundar geta smitast af henni ef þeir borða hrátt svínakjöt. Hún er mönnum alls ekki hættuleg en getur verið lífshættuleg fyrir dýrið.
• Fóðrið á að vera meltanlegt. Það er ekki allt, sem mönnum þykir gott, gott fyrir hunda. Margar af fæðutegundunum, sem mennirnir bera á borð, valda meltingartruflunum í hundum. Það gildir t.d. um mjólk, hráa eggjahvítu og jurtasterkju.
• Það á að mæla fóðurmagnið. Hundar geta ekki sjálfir metið þörfina. Þeir borða um leið og maðurinn býður þeim eitthvað. Afleiðingin er þessi: Þeir fá meiri orku úr fóðrinu en þeir hafa þörf fyrir og verða of þungir.
Tíu gullnar reglur um næringu
Það er til einföld aðferð til að fara eftir meðmælunum frá dýralækninum: Það er best að nota tilbúið fóður handa hundinum. Í því eru öll næringarefni í ákjósanlegasta magni og samsetningu. Það inniheldur engar hættulegar bakteríur, veirur og sníkjudýr því það er gerilsneytt með markvissri upphitun. í henni drepast spírur sem geta valdið sjúkdómum. En þetta er ekki eingöngu gert með rétta fóðrinu. Til þess að hundurinn sé ánægður þarf maður að virða tíu gullnar reglur um næringu:
1. Þar til hvolpur er tveggja mánaða fær hann matinn fyrst í sex og síðan í fjórum máltíðum á dag. Þegar hann er 3-4 mánaða er máltíðunum fækkað í 2-3 á dag. Á þann hátt lærir litli hundurinn, sem er alltaf svangur, að venja sig á reglulega fóðrun.
2. Fullvaxinn hundur fær alltaf eina aðalmáltíð og aðra minni daglega.
3. Það á að fóðra hundinn á sama tíma á hverjum degi því meltingarkerfið lagar sig að ákveðnu tímaplani.
4. Besti tíminn fyrir aðalmáltíðina er kvöldið. Það er ekki bara hentugur tími í heimilishaldinu heldur kemur það í veg fyrir betl við borðið.
5. Matarskammturinn fer eftir stærð tegundarinnar, hreyfimynstri hundsins og hitastiginu úti. Hundur, sem er mikið úti, eyðir meiri orku þegar það er kalt en þegar það er heitt.
6. Maturinn má hvorki vera of heitur (beint úr pottinum) eða of kaldur (beint úr ísskápnum). Það á ekki að skilja afgang eftir í skálinni því þá geta bakteríur komist í hann.
7. Eftir fóðrunina á að vera kyrrð. Þá á hvorki að leika né fara í göngutúr.
8. Einn dagur í föstu í viku er ekkert stórslys – heldur alveg eðlilegur. Ef hundurinn vill ekki borða getur maður bara leyft honum að fasta. Ef lystarleysið varir hins vegar lengi þarf maður að láta dýralækni líta á hann.
9. Hundar eru hrifnir af tilbreytingu. Breytingum á matseðlinum er yfirleitt fagnað. Það á ekki að breyta matnum tilviljunarkennt. Meltingarkerfi hundsins lagar sig að ákveðnu fóðri og skyndileg breyting getur haft í för með sér meltingartruflanir eins og niðurgang, hægðatregðu eða uppköst. Það er þess vegna best að nota fóður frá ákveðnum framleiðanda. Maður getur samt fengið tilbreytingu innan merkisins með því að breyta um tegund og bragðtegund.
10. Mikilvægasti vökvinn sem hundurinn fær er ferskt vatn. Lífsnauðsynlegri þörf hundsins fyrir vökva er fullnægt með vatni og vökvainnhaldi í fóðrinu. Það þýðir að hundurinn þarf að fá meira drykkjarvatn ef hann fær þurrfóður en ef hann fær blautfóður. Hann á alltaf að hafa aðgang að fersku vatni.
